"অ' বৰষা ৰাণী"
ধৰাৰ জীৱন তটিনী;
আমাক নিঠৰুৱা কৰি
নিগৰে আমাৰ নিষ্প্ৰাণ
চকুলোটুপি ;
নিৰ্বাক কণ্ঠৰে পখীটিয়েও
কৰে সজীৱতাৰ আকুল
মিনতি !!!
ক'ত জলপূৰ্ণ সেউজী পথাৰ ?
ক'ত দুচকুৰ সোণালী সপোনৰ পোহাৰ ?
আছে মাথো বাস্তৱৰ শিলত ত্ৰস্ত আহত শৰীৰ আমাৰ!!!
সেয়া আকাশত উন্মত্ত সূৰুযৰ তেজস্বী বহ্নি;
আৰু ধৰাৰ কোলাত আজি স্তব্ধ প্ৰবাহিত স্ৰোতস্বিনী!
স্তব্ধ পৱন !
স্তব্ধ জীৱন!
তথাপি সজীৱ মাথোঁ এটি সপোন ;
" বাজি উঠিব মেঘৰ দুন্দুভি ;
চমকিব বিজুলী !
গৰজিব বজ্ৰধ্বনি
কাণত মাথোঁ গুঞ্জিব ;
বৰষাৰ নূপূৰৰ
"ৰিম্ ঝিম্ " , ৰিম্ ঝিম্
স্বৰটি !!!
No comments:
Post a Comment